近年星二代索女备受外界关注，除咗有「小邱淑贞」沈月、上山诗钠嘅混血甜心女HiL.ry等，连近年绝少曝光嘅初熟Eason女、13岁康堤，原来都已变身长腿美少女。日前傍晚，亭亭玉立嘅康堤陪「潮流教母」妈咪徐濠萦去咗中环ifc ShoppiNg。现已高过潮妈嘅康堤，扎上马尾、五官标致，同母亲似足两姊妹。散发少女味嘅康堤靓样更胜妈咪，睇嚟陈奕迅有排惊惊囉！
吹神Eason独女康堤，自细活在父母光环下，「潮徐」成日同爱女著母女装或将康堤打扮成潮童，一早已经上惯镜。不过随着爱女日渐长大，有指康堤唔想再成为公众人物，早已提出唔再出席公开活动，甚至拒绝喺妈咪嘅社交网亮相，甚至连着衫都因为妈咪系fashion达人感到压力，连Eason嫂都曾开talK.过：「囡囡话同我出街会好有压力，会问『你着乜嘢呀？你话畀我知呀，使唔使衬番你呀？』我个女仲试过话我『你个嘴做乜咁红嚟接我放学呀？』」
展开全文
跟潮妈Shopping
愈大愈靓女嘅康堤身形高挑，轮廓愈见分明，与阿徐同样具时装触觉，年纪轻轻已好识打扮，曾以白tee短牛衬罗马凉鞋骚长腿，潮味绝唔输蚀畀妈咪，绝对是星二代长线优质股。日前傍晚，身穿黑色长褛、浑身散发少女味嘅索爆康堤跟潮妈去ifc Shopping。皮光肉滑嘅Eason女先拉妈咪去Kielh's买咗袋护肤品，再陪母亲行名牌CELINE。未几，阿徐手拎一小袋战利品步出，「两姊妹」再行去服务柜位换礼品。见束马尾中间分界嘅康堤，瓜子口面、五官同妈咪饼印一样，初熟靓样更加省镜。二人换完礼品，双双步出等的士。爱女打开车门时，笑笑口同司机讲咗几句，又问吓妈咪，个样傻气得嚟好可爱架！
20岁 甜美 Hilary
上山诗钠嘅靓囡囡遗传妈咪嘅混血靓轮廓，一对笑眼同甜到漏嘅阳光笑容，颜值指数高。
16岁 仙气 沈月
仙气沈月被赞靓过一代女神妈咪邱淑贞。
13岁 长腿 任晴佳
老窦系美魔男任达华，妈咪系超级名模琦琦，晴佳现时已经有五呎七吋高，44吋长腿劲抢眼。